بلدنا: الاستشاري يدرس معايير الجمعية التأسيسية

في حلقة امبارح برده، اتكلمنا عن مجموعة من التوافقات اللي لازم تتوفر في أي حل اياً كان للخروج من الأزمة، وأولهم_والكلام كان للأستاذ عبد الله السناوي_ أولهم التوافق على معايير اختيار اعضاء اللجنة التأسيسية لوضع الدستور وعلى المبادئ الأساسية للدستور، اللي هم أصلاً جزء أصيل من متاهة الجدليات اللي دخلنا فيها ومش عارفين نخرج منها لحد النهاردة من ساعة الاستفتاء على التعديلات الدستورية.. وشكلنا كدة على وشك ندخل في القصة ديه تاني وبقوة، بعد إعلان المجلس الاستشاري عن إنه بيدرس حالياً معايير اختيار الأعضاء غير البرلمانيين فى الجمعية التأسيسية للدستور، تمهيداً لرفعها للمجلس العسكرى، في حين إن القوة السياسية الرافضة لوضع المعايير ديه مسبقاً هي الاخوان المسلمين وحزب الحرية والعدالة اللي انسحب ممثليهم من المجلس الاستشاري اعتراضاً أصلاً على إن يكون دة من مهام المجلس!!!