من جديد: حكومة هشام قنديل في البلد دي

السلام والتحية علي حضرتكو أهلا بيكو معانا، الصراحة الواحد مش عارف يعقب يقول ايه على الكلام اللي بيطلع من حكومة الدكتور هشام قنيل اللي كأنها حكومة دولة شقيقة مالهاش علاقة باللي بيحصل في مصر، .. الحكومة النهاردة نفت ان يكون عندها اي نية لفض الاعتصامات بالقوة وأكدت حق المواطنين فى التظاهر السلمى والقانوني ، طيب اللي حصل امبارح عند جامعة النيل ده ايه واللي حصل للمتحدث باسم النقابة المستقلة لعمال هيئة النقل العام اللي كان من المفترض انه يطلع معانا وتم القبض عليه ده نسميه ايه، .. هو الدكتور هشام قنديل ما شافشي التليفزيون امبارح، طبعا الكلام اللي نشر النهاردة على لسان مصدر مسئول بوكالة أنباء الشرق الأوسط أكد ضرورة إبلاغ السلطات المختصة بموعد ومكان أى تظاهرات مسبقاً، دون تعطيل مصالح المواطنين أو التعدى على الأملاك العامة والخاصة وقطع الطرق ده كلام كويس جدا بس ده ما يمنعشي ان اللي حصل امبارح مع طلبة جامعة النيل هو انه تم فض الاعتصام بالقوة ولازم الحكومة تعترف بده.