أون تيوب: الجرافيتي المائي

في واحدة من حلقات اون تيوب .. كنا إتكلمنا عن فن الجرافيتي .. و معاناة رسامي الجرافيتي في مصر .. و ما اذا كان الجرافيتي فن ممنوع و غير قانوني و لا لأ.
الفيديو اللي جاي من فرنسا .. و يظهر كده ان الفرنسيين بيحترموا هذا الفن .. فقرروا انهم يساعدوا في تطويره .. بطريقة ماتضرش واجهات المباني و الحيطان .. عن طريق وضع شاشات (ال .ايه.دي) في الشوارع .. بتنور لما يترش عليها مياه.
وبالختراع العبقري ده .. بقت الناس بترسم بالمياه علي الشاشات دي .. و بتغير رسوماتها الجرافيتية .. من غير ما يحصل اي ضرر للشوارع و لا الحيطان ولا واجهات العمارات.