بلدنا: غرق قرية نصر النوبة في أسوان
- 12 years ago
قرية نصر النوبة في أسوان اتعرضت النهاردة للغرق بعد انهيار جسر الترعة، خاصة مع انخفاض منسوب القرية وقوة تدفق مية الترعة في اتجاه القرية.. حسب البيانات الرسمية وتصريحات محافظ أسوان، اللواء مصطفى السيد، البيوت اللي في مواجهة الترعة وعددها 14 هي اللي غرقت تماماً لكن الحمد لله قدر ولطف من غير أي خساير بشرية.. لكن البيان الصادر عن "المركز المصري للحق في السكن" بيتكلم عن غرق 83 بيت زائد المدرسة الإبتدائية والإعدادية في القرية ومبنى السنترال والبريد والمستوصف الطبى والمجلس المحلى والمطحن، وإنهيار كامل ل11 بيت وإنهيار جزئي ل15 بيت.. وكلها خساير أولية متوقع زيادتها حسب بيان المركز المصري للحق في السكن. المصادر الرسمية بتتكلم عن زيادة مفاجئة في منسوب مية ترعة نصر النوبة هي اللي ادت لانهيار الجسر.. ومركز الحق في السكن بيتكلم برده عن ارتفاع في منسوب المية لكن ناتج عن سرقة محولات رفع المية في قرية بلانة.