بلدنا: تمويل المجتمع المدني قيد التحقيق

وعلى ذكر كتر الكلام، من ساعة ما قامت الثورة ولحد النهاردة، مافيش اكتر من الكلام النشطا ومنظمات المجتمع المدني اللي لحم كتافها من خير التمويل الآجنبي بالمخالفة للقانون، ولحد النهاردة كله كلام مرسل ولسة ما عليهوش اي دليل بما فيه الكلام اللي ورد اكتر من مرة بمناسبة ومن غير مناسبة على لسان عدد من كبارات البلد.. والكلام هيفضل مرسل لحد ما يكون عليه دليل قاطع من جهة تحقيق.. وجهة التحقيق الرسمية الوحيدة في الموضوع دة هي: هيئة التحقيق القضائية المنتدبة من وزير العدل للقيام للتحقيق في قضية التمويل الأجنبي من دول خارجية لمنظمات المجتمع المدني والجمعيات الأهلية المصرية، واللي أصدرت بيان النهاردة أكدت فيه بوضوح إن القضية "لا تزال في مرحلة التحقيق ولم يصدر قرار بالتصرف النهائي فيها كما تردد" وإن الأخبار اللي بتنشرها بعض وسائل الإعلام عن إدانة أشخاص وفئات محددة بعينها، وأخبار أخرى عن حـفظ التحــقيقات مع آخرين، كلها أخبار غير صحيحة جملة وتفصيلاً.