بلدنا بالمصري: جمعة لم الشمل مش جمعة الفرقة

آخر مرة اتقابلنا فيها أول امبارح، كنا بنتحسر على الأيام اللي كنا فيها إيد واحدة وكنا بنقول إن البلد ديه تساع من الحبايب ملايين طول ما هما إيدوا واحدة مهما اختلفوا.. وكنا خايفين من الفرقة وبعترة الشمل.. وقلنا إن ربنا مش ممكن يآمن خوفنا ولا ياخد بإيدنا إلا لو احنا إيد واحدة!!!.... والظاهر كدة والله أعلم إن ربنا مش هيخيب ظننا فيه ولا في نفسنا أبداً.. وزي كل مرة طلعنا فيها من حفرة وكنا خلاص هنقع في الدحديرة، فلقينا نفسنا بنقف على رجلينا من تاني وبنشد حيلنا وبنعدي على خير.. المرة ديه كمان هنعدي على خير والشدة هتزول..ويوم الجمعة اللي جاية اللي كنا خايفين لتطلع جمعة الفرقة وعليه العوض ومنه العوض، إنشاء الله هتبقى جمعة "لم الشمل"