أون تيوب: فن الإستاند أب كوميدي

و الى الستاند أب كوميدي .. الفن اللي بيحاول يخلق جو فكاهي نقدي جديد. هو من أنواع الكوميديا اللي بيشير البعض إنها من إبتكار الغرب في العصر الحديث .. حيث إشتهر في العالم الغربي بداية القرن ال18 .. و بدأنا نتبناه في مصر و الوطن العربي من فترة مش بعيدة.
و بالمناسبة .. الفن ده مش من الفنون السهلة .. أولا لأنه بيعتمد في الأساس على الموهبة .. و ثانية على .. إمكانية الستاند أب كوميديان إنه يصل لمعالجة ساخرة و فكاهية .. للأحداث اليومية اللي بيشهدها كل مواطن .. لأن هو ده أساس هذا الفن. و قد إتفق العديد ممن يمارسونه .. " إنه فن الإشارة الى الجوانب الغبية في حياتنا اللي إعتدناها .. فنتوقف و ننتبه و نضحك"
البعض بيشبهوا بفن المونولوج .. اللي إشتهر في مصر في الأربعينات .. واللي هو عبار عن أداء مسرحي .. ينتقد الأفعال الخاطئة في حياتنا .. أو بيكون تقليد لبعض الشخصيات. و طبعا كان من أشهر المونولوجيستات العظماء .. ثريا حلمي .. و إسماعيل يس .. و محمود شكوكو .. و منير مراد.
ده كان مثال لفن المونولوج .. اللي زي ما قلت .. بيشوف البعض ان في شبه كبير ما بينه و ما بين فن الستاند اب كوميدي .. الى أي مدى الشبه موجود .. و ايه الإختلافات .. و ايه هو اصلا فن الستاند أب كوميدي؟ معانا عبر سكايب واحد من فناني الستاند أب كوميدي المتميزين .. الحقيقة هو إسمه على مسمة .. بيتر ظريف.