بلدنا: أزمة التأسيسية .. العسكري يجتمع بالأحزاب تاني

هنرجع تاني لتفاصيل انسحاب الأزهر الشريف وقرار المجمع المقدس اللي هيحسم يوم السبت اللي جاي، بس بعد ما نتابع تفاصيل الاجتماع التاني اللي تم النهاردة بين المجلس العسكري وعدد من رؤساء الاحزاب والشخصيات السياسية والبرلمانية في وزارة الدفاع لمناقشة الأزمة والوصول لحلول توافقية وبالتراضي زي ما اعلن بعد الاجتماع الاول يوم التلات اللي خرجت منه المعلومات بالتيلة وعلى القد ومن غير اي تفاصيل تذكر.. على الله يكون تدفق المعلومات النهاردة افضل كتير خاصة وان طي الكتمان دة وكانه سر عسكري غير مبرر بالمرة، !!!