من جديد: فتحوا شارع القصر العيني

السلام والتحية على حضراتكوا .. أخيرا وبعد ما اتنبح حسنا وحس كتير من نواب مجلس الشعب وسكان منطقة القصر العيني .. ومنطقة وسط البلد كلها وكل واحد بيعدي من وسط البلد .. اخير تمت الاستجابة .. واترفعت الاسوار والحوايط الخرسانية من شارع القصر العيني .. امبارح واحنا كنا بنتكلم عن الموضوع كان كلامنا اشبه.. بحديث النزع الأخير كنا خلاص ابتدينا نفقد الأمل .. ان ممكن يجي يوم علينا نشوف العربيات بتمشي في شارع القصر العيني تاني. بس حل المشاكل البلد ديه مش حيكون بفتح شارع .. ولا عمل كوبري .. بلدنا لسه محتاجة كتير جدا .. محتاجة مجهود كل واحد فينا عشان نبتدي من جديد.