انا اسف سعدونة

آسف وانا ادري كلمة آسف قليله
باللي حصل ماينفعن كل الاعذار

منك السموحة ياغزال الخميله
غلطه وانا المسئول عن كل ماصار

انتي مثل وصف المهاة الجميله
اللي تمشى بين ريضان وازهار

ياأم الحلا يا ام الرموش الظليله
ياللي بها كل العشاشيق تحتار

وانا بعد شاعروامثل قبيله
قبيلةٍ يشهد لها كل مغوار

مارحت ادور للعلوم الهزيله
ولاني بماشي كل خاين وغدار

زودالغلا خلا المعالق عليله
وكن الحشا يصلى على واهج النار

روحي عسى ايامك سنينٍ طويله
وعسى طريقك كله افراح وانوار

وختامها اسف لو انها قليله
ياعلها تكفي مقاصيد واعذار