من جديد: فتح باب الترشح للرئاسة ١٠ مارس

ليه عاوزين إن الناس تحس ان اكبر انجاز حصل هو الغاء التوقيت الشتوي والرقم اللي زاد على الموبايل ليه، ليه مش عاوزين الناس تبدأ من جديد، ليه كل اجراء او خطوة بتتم بتحصل بعد ما يسيل فيها الدم، ليه نقعد نستنى ناخد قرارات كان من السهل انها تتاخد قبل كدة لكنها ما بتتاخدشي وفي الآخر نقول يا ريت اللي جرا ما كان.
النهاردة وبعد طول انتظار أعلنت اللجنة القضائية العليا للإشراف على انتخابات الرئاسة برئاسة المستشار فاروق سلطان رئيس المحكمة الدستورية العليا فتح باب الترشيح للرئاسة فى 10 مارس اللي جاي، ووضع القواعد العامة اللازمة للمرشحين .
الإعلان عن فتح باب الترشيح للانتخابات الرئاسية جه بعد لقاءالمشير حسين طنطاوى القائد العام رئيس المجلس الأعلى للقوات المسلحة مع المستشار فاروق سلطان رئيس المحكمة الدستورية العليا ورئيس لجنة الانتخابات الرئاسية وأعضاء اللجنة.