Renée tanzt Che Miracolo

Che miracolo stammatina,
io, cu ll'uocchie d' 'a meraviglia,
veco 'o munno p' 'a primma vota,
comme fosse nu piccerillo,
che miracolo stammatina.
Veco 'a rondine dint' 'o nido,
veco ll'onna ca va e ca vene,
sento 'o viento che sbatte e canta,
proprio comme fa 'o core mio.
Che miracolo stammatina.

Ll'anema mia,
st'anema mia,
ha miso vela,
ha miso scelle
e d' 'o cielo 'e chistu mumento,
tutt' 'o mmale luntano sta.

Che miracolo stammatina,
sento 'o sole ncopp' a na mano
e accarezzo soprappenziero
chianu chiano ll'acqua d' 'o mare,
che miracolo stammatina.
Faccio parte pur'io d' 'o munno,
comme ll'albero e comme 'a fronna,
comme 'a nuvola e comme ll'aria,
comme 'a preta che sta int' 'o sciummo.
Che miracolo stammatina.