Warda : Ahlan Ya Hob أهلا ياحب

وردة ... أهلا ياحب
كلمات حسين السيد و ألحان محمد الموجي
--
اهلا اهلا يا حب واحشني يا حب سلامات بالحضن يا حب
يا خواتي باحب وباقولها يا ناس من قلبي بحب من قلبي ..
دوامة الحب مغلباني واخداني لفوق ومدوباني
دوامة يا ناس جباره يا ناس وحياة نور عينك خليك
ياللي عمرك ما حبيتش تحب .. اهلا يا حب

يا كل عاشق انجرح وانكوى بنار الحب
ما احنا انجرحنا كتير برضه رجعنا نقول يا حب ..
تعا شوف الفرحه اللي انا فيها وللا الجناحات اللي باطير بيها
لو شفت حبيبي ونور عيني وعرفت ازاي بينسيني
تتعلم مني ازاي تنسي وح تجري تدور ع الحب
دوامة الحب مغلباني واخداني لفوق ومدوباني
دوامة يا ناس جباره يا ناس ..
وحياة نور عينك خليك ياللي عمرك ما حبيتش تحب
اهلا اهلا يا حب

جرى لك ايه يا قلبي جرى لك ايه حكايتك ايه يا قلبي حكايتك ايه
احنا حنحب تاني يعني حنعيده تاني وللا حنعيده تاني
احنا ما صدقنا نسينا جرح الماضي القريب
والجرح لما اشتكينا احتار فيه الطبيب
جبنا الصبر يداوينا قال ده بخت ونصيب
نرجع نحب تاني يعني حنعيده تاني وللا حنعيده تاني
ماترد يا قبلي ساكت ليه بتكلم روحك وتقول ايه
انا كدابه وجرح الماضي خلاص نسيناه طب ما هو آه
حب جديد خلانا نحب الدنيا معاه طب ماهو آه
حسيت بيه من اول دقه وانا ما قدرتش اقول لك لأ
مش قادرين نستغنى عنه ولا ننساهطب ماهو آه
ده هدية عمري وحبيته بجد حبيته يا ناس ايوه بحبه وان شالله ما حد
دوامة الحب مغلباني واخداني لفوق ومدوباني
دوامة يا ناس جباره يا ناس ..
وحياة نور عينك خليك ياللي عمرك ما حبيتش تحب
اهلا اهلا يا حب

شمعتنا يا نواره يا احلى من المناره خليكي دايما قايدة م السنه للسنه
حتنوري سكتنا وتونسي خطوتنا واحنا بنفرش طريقنا بالحب والهنا
وحنزرع شمس جديده وقمر ونجوم جديده وحتفضلي في عينينا نوارة حبنا
ما تبصليش كده بتنسيني الكلام ما تكلمنيش كده حرام عليك حرام
اصل انت عليك حنيه بتاخدني لفوق في العالي
وعنيك لو تجي في عنيا يا لطيف ع اللي بيجرالي
حوش عني حلاوة حبك لو ادوب انا مش مسؤوله
بعدين تلاقيني احبك بطريقه مش معقوله
ح اغير عليك م الشمس لما تدفيك وح اغير عليك من الميه وهي بترويك
وح اغير عليك من دقة قلبي وهي حوليك وح اغيرعليك من روحي وانا روحي فيك
اهلا اهلا يا حب

يا فرحه يا ام جناح وردي الحب ملكني وما بيدي
وحبيب الروح شرف عندي على حسب وداد قلبه وقلبي
يافرحة ياام جناح وردي ودينا مطرح ماتودي
ودينا نشوف الهنا كله ونقطف ياسمينه وفله
واضحك يا زمان ما كفايه حرمان
ده محدش شاف حرمان قدي على حسب وداد قلبه وقلبي
يافرحه يا ام جناح وردي ودينا مطرح ما تودي
القلب خلاص نسي تنهيده والصبر احلوت على ايده
ومعايا حبيب مش اي حبيب ده العالم ملكي انا لوحدي
على حسب وداد قلبه وقلبييافرحه يا ام جناح وردي
ودينا مطرح ما تودي