Sicilia bedda

Si circundata tutta di lu mari.
e si vistuta d'oru e di lu suli.
li furasteri
venunu a migghiara
picchì di tia su troppu
'nnammurati,
e vannu pi Catania e Palermu,
pi gh'Aci Taummina e Sirausa,
pi l'Etna, Agrigentu
e pi Missina,
truvannu suli e
ciuri e antichità!
Sicilia mia Sicilia,
si vera 'bbedda assai,
Sicilia, mia Sicilia,
iu non ti lassu 'cchiù:
'cca 'ssulu si 'po sentiri
prufumu supraffinu
di gessuminu e zagara
'ca 'nnammurari fa.
la la la la,
Tu si la terra
di la primavera,
l'aranci alivi e mennuli ciurusi,
li marranzani cantunu ogni sira,
facennu li 'cchiù belli
sirinati.
Tu si la terra
di la tarantella,
ca metti 'ntra lu cori
l'allegria,
è risaputu ormai
ca cu l'abballa,
si senti chinu
di felicità.
Sicilia, mia Sicilia,
si vera bedda assai,
Sicilia, mia Sicilia,
iu non ti lassu 'cchiù.
'Cca 'ssulu si 'po sentiri
prufumu supraffinu,
di gessuminu e zagara
'ca 'nnammurari fa.
'ca 'nnammurari fa.