హైకోర్టులో తులసిబాబుకు చుక్కెదురు

High Court Dismissed Tulasi Babu Bail Petition : మాజీ ఎంపీ, ప్రస్తుత శాసనసభ డిప్యూటీ స్పీకర్‌ రఘురామకృష్ణరాజుపై కస్టోడియల్‌ టార్చర్‌ కేసులో నిందితుడుగా ఉన్న కామేపల్లి తులసిబాబుకు చుక్కెదురైంది. ఆయన బెయిల్‌ పిటిషన్‌ను హైకోర్టు కొట్టివేసింది. ఇటీవల తులసిబాబు పిటిషన్‌పై వాదనలు విన్న ధర్మాసనం తీర్పును రిజర్వు చేసింది. నేడు ఆ పిటిషన్‌ను కొట్టివేస్తూ తీర్పు వెలువరించింది. ప్రస్తుతం తులసిబాబు గుంటూరు జిల్లా జైలులో రిమాండ్‌ ఖైదీగా ఉన్నాడు. వైఎస్సార్సీపీ ప్రభుత్వ హయాంలో తులసిబాబు ఏపీ సీఐడీలో న్యాయ సలహాదారుగా కొన్నాళ్లు పని చేసినట్టు ప్రకాశం జిల్లా పోలీసుల విచారణలో వెల్లడైంది.