[20-05-24] អ្នកមានអាយុជិត ៦០ឆ្នាំហើយ ក៏ចូលរៀនជំនាញ ក្នុងវគ្គបណ្តុះបណ្តាល ១លាន ៥សែននាក់របស់រាជរដ្ឋាភិបាលដែរ

វគ្គបណ្តុះបណ្តាលជំនាញ ១លាន ៥សែននាក់របស់រាជរដ្ឋាភិបាល បាន និងកំពុងទាក់ទាញយុវជនជាច្រើន ឱ្យចូលរៀនជំនាញបច្ចេកទេស។ ក្រៅពីយុវជន វគ្គបណ្តុះបណ្តាលនេះ ក៏បានផ្តល់ឱកាសដល់ប្រជាពលរដ្ឋគ្រប់វ័យ ឱ្យចូលរៀនផងដែរ។ ជាក់ស្តែង លោក ឯក ស៊ីដូ និងលោកស្រី យស គន្ធវារី មានអាយុ ៥៧ឆ្នាំហើយ ប៉ុន្តែពួកគាត់ ក៏នៅតែចាប់អារម្មណ៍រៀនជំនាញជួសជុលទូរស័ព្ទដៃ ដោយហេតុថា ចិត្តស្រឡាញ់ និងជាក្តីស្រមៃតាំងពីក្មេង ក្នុងការរៀនជំនាញបច្ចេកទេសបែបនេះ។