Confused

Dear Chixie,
Maayong hapon nimo ug sa tanang nagsubay aning programaha sa SunStar Cebu ug sa Superbalita Cebu.
Itago lang ko sa pangalan nga Sandy. Kining akong problema kabahin gyud ni sa akong kahadlok nga masakitan tungod sa gugma.
Bata palang ko kakita nako kon unsa ka demalas sa lovelife akong auntie, mama ug bisan si ate.
Akong Auntie ug mama, mga ka single mom samtang ang akong ate pirme lang failed ang relationship kay cheatan sa iyang karelasyon. Nidako ko Chixie sa pagtuo nga tanang mga lalaki, mangingilad.
Apan, usa ka adlaw, mimata nalang ko nga anaa na ko sa sitwasyon nga wala nako damha. Aduna koy nakaila nga lalaki sa opisina nga itago nalang nato sa pangan nga Jethro. Una palang namo nga panag-ila ni Jethro, ako nang nakita nga maayo siya nga pagkalalaki. Nilabay ang usa ka tuig, nagkasuod gyud mi niya hangtud nga nanguyab siya dinhi kanako.
Sa tinuod lang, wala ko kahibalo kon unsay akong itubag ni Jethro. Na-inlove na ko niya Chixie apan nipatigbabaw gyud akong kahadlok nga mosugal sa gugma kay masakitan unya ko.
Unsa man ang akong angay nga buhaton?
Sandy