الظروف خلت الصحاب قلت كامله

● الكلمات ●
اللي خانو وباعو عشره وقلو بينا
لما وقفو وشدوا حيلهم اتنسينا
نسيوا كل الحلو اللي اتعمل عشاانهم
وطلعو اكتر ناس ومنهم اتاذينا

الظروف خلت .. الصحاب قلت
حالتي كت ناشفه ولا ايد اتبلت
دا ولاد الجاحده .. علقوا لواحده
واما شافو صورتي ايدهم اتشلت

قمت من نومي مسكت تلفوني
هما فاكرني ولا نسيوني
رنه ورا رنه .. عمال استني
واما ردوا عليا فاجئوني

انت فين يبني واللهي واحشنا
قالو يخص عليك مطنشنا
‏مش بتيجي ولا حد بيشوفك
ولا يعني مبقتش تعرفنا

مهما تعمل بيعملو القله
لو فيها جميله تتحسب ذله
وانت ليك ياما كله بأدله
داهيه تاخد اللي سماكم شله

طريق الاندال
الناصيه الجايه شمال
الغدر متاح
والسلكان مش شغال

جرح القريب بيعلم
وانا قلبي كان متسلم
تسليم اهالي ي معلم
وف لحظه مات

كل البشر بكوني
علي طيبتي انا وعايروني
والحزن بان ف عيوني
منا قلبي مات

يا مركبة لفي .. اغرقي وطفي
شدي ي موجه خلينا نصفي
شدي بزياده .. وافضحي الساده
اللي قالوا رقابينا سداده

همشي بقانون من هنا ورايح
مالنهارده انا همشيها مصالح
يابتوع الحب اركنو ف جنب
اللي جاي بكره بقا غير. امبارح

صحبه قلابه صحبه غدارة
معرفتهم حقيقي بخساره
واحنا يعني هنروح بعيد لي
بكره يجوا والدنيا دواره

قالو صحبتك قلت انا بناقص
ابويا قالي سيبك من الناقص
دا الحلال يبني هو مكسبنا
واللي خانك خسيس وكان ناقص