Chianto d'ammore Giovanna Balsamo

Chianto d'ammore
Giovanna Balsamo
Si stato tu...ca forse pe ddispietto,
m'hê scippato 'o core 'a 'int'ô pietto.
Ll'hê strupicciato comm'a nu straccio:
ll'hê ammappuciato peggio 'e na petaccia.
Si ll'astrigne dint'ê mmane se turcea:
comme 'a na spugna nzupppata spercea.
Quanta suspire sotto 'a luna chiena:
eveme dduje core aunite 'a na catena.
Mo ca ll'aniello d' 'a catena s'è spezzato,
mo ca nun simmo cchiù nu sulo sciato;
'stu core mio triste s'è svacantato:
'int'â nu sciumme 'e lacreme ll'hê lassato.
No, no... nun po' essere, nun ce credo...
aspetto sulo ca te passa chesta freve.
Famme ancora sentere chella canzona,
ca sunava mentre m'astrignive a tte.
Mme guardave cu 'o sguardo nnammurato:
uocchie scure ca fremmevano pe mme.
Astrigneme a tte, accarezzame 'o core:
chiammane ammore comme facive allora.
Si nun me vuo' cchiù bbene te capisco:
nun te cerco, nun chiagno e ccumpatisco.
Ma si è stato sulo nu mumento 'e pazzaria...
sto' ccà...t'aspetto:
torna...ammore mio.
Giovanna Balsamo
Musica
Perdere l'amore
Brano
Pino Daniele
Amici come prima
❤️❤️
Creative video
annare53