જેતપુરમાં સાડીના કારખાનામાં આગ લાગી

જેતપુરના નવાગઢ વિસ્તારમાં આજે સવારે એક બંધ સાડીના કારખાનામાં વિકરાળ આગ ફાટી નીકળી હતી. કારખાનામાં જૂના પાયોનિયર ડાઇંગમાં જુના લિરા, ગાભા પડ્યા હતા જેમાં આગ લાગી હતી. આગને કારણે કારખાનની છત તેમજ દિવાલનો અમુક ભાગ ધરાશયી થયો હતો. આગની જાણ ફાયરબ્રિગેડને કરાતાં નગરપાલિકાના બબ્બે ફાયર ફાઇટર અને સ્થાનિક પાણીના ટેન્કર દ્વારા પાણીનો મારો ચલાવી ભારે જાહેમત બાદ આગ પર કાબુ મેળવાયો હતો.