ગુજરાત વિધાનસભાની ચૂંટણી માટે બે તબક્કામાં મતદાનની સંભાવના, જાણો તારીખ

ગુજરાત વિધાનસભાની ચૂંટણી માટે કયારે મતદાન અને પરિણામ આવશે તેની તારીખો જાહેર થવાની કાગડોળે રાહ જોવાય રહી છે. મીડિયા રિપોર્ટસ અનુસાર બે તબક્કામાં મતદાન અને ચૂંટણી પરિણામો હિમાચલ પ્રદેશની સાથે જ આવી જાય તેવી અટકળો છે.

વડાપ્રધાન નરેન્દ્ર મોદી 31મી ઑક્ટોબરના રોજ ગુજરાતની મુલાકાતે આવી રહ્યા છે. આ દિવસે સરદાર પટેલની જન્મજયંતી પર રાષ્ટ્રીય એકતા દિવસ નિમિત્તે સ્ટેચ્યુ ઓફ યુનિટી પર યોજાનાર પરેડમાં ભાગ લેશે. તેની સાથે જ તેઓ જાંબુઘોડામાં આદિવાસીઓને પણ સંબોધિત કરવાના છે. આ કાર્યક્રમને જોતા રાજકીય નિષ્ણાતોનું કહેવું છે કે આ કાર્યક્રમ પૂર્ણ થતાંની સાથે જ 2 નવેમ્બરના રોજ ગુજરાતમાં ચૂંટણીની તારીખો જાહેર થવાની સંભાવના છે.