سارة الطباخ: تواجدت بالمستشفى عند شيرين عبد الوهاب لأننا أكلنا عيش وملح مع بعض

تصدرت المنتجة سارة الطباخ، محرك البحث "غوغل" بعد ارتباط اسمها باسم الفنانة شيرين عبد الوهاب في أزماها الأخيرة والتي على إثرها تتواجد الآن في المستشفى.

حرصت المنتجة سارة الطباخ الرد على ارتباط اسمها بأزمة الفنانة شيرين عبد الوهاب الأخيرة، والكشف عن تفاصيل دخول الفنانة إلى أحد المستشفيات.

وقالت الطباخ في مداخلة هاتفية ببرنامج "الحكاية" مع الإعلامي عمرو أديب: "تم الزج باسمي بدون مبرر أنا كنت خايفة على شيرين وعايزة أطمن عليها، وهقدم طلب رسمي بالتحقيق بالاتهامات اللي اتقالت عني".

وتابعت: "حسام حبيب اتصل بيا وقالي انها اتعرضت للضرب وانها مختفية من يوم الخميس ودخلت ياسر قنطوش عشان هو المحامي بتاعي، وهو حاول كتير يوصل لناس كتير يساعدوها".

وأضافت: "السبب انه يلجألي انه عارف اني عارفة ياسر قنطوش، وياسر قنطوش كلم مصطفى كامل وأكدله إن شيرين في مشكلة.. روحتلها المستشفى عشان احنا كلنا عيش وملح مع بعض روحنا المستشفى وقالوا مفيش حد بالاسم ده”.

كما أوضحت سارة الطباخ موقفها عندما شعرت بأن شيرين عبد الوهاب ليست بخير، حيث قالت لـ برنامج “الحكاية”: "القصة اللي سمعتها إن أخوها ضربها ومكنش معايا رقمه وهو لو كان شايف انه بيعمل حاجة صح لـ شيرين كان كلمني.. أنا اتصلت بشيرين مدبرة المنزل قالتلي انها مسافرة ودي حاجة خلتني أشك أكتر وكان كل همي إن شيرين تكون تمام وإني أشوفها".