રોજર બિન્ની BCCIના નવા પ્રમુખ તરીકે નિયુક્ત

ભારતીય ક્રિકેટ ટીમના ભૂતપૂર્વ સ્ટાર અને 1983 વર્લ્ડ કપ વિજેતા ટીમના સભ્ય રોજર બિન્નીને મંગળવારે ભારતીય ક્રિકેટ કંટ્રોલ બોર્ડ (BCCI)ના 36મા પ્રમુખ તરીકે નિયુક્ત કરવામાં આવ્યા હતા. મુંબઈમાં BCCIની AGMમાં ​​તેમની નિમણૂકની જાહેરાત કરવામાં આવી હતી. બિન્નીએ ભારતના પૂર્વ કેપ્ટન સૌરવ ગાંગુલીનું સ્થાન લીધું છે. 67 વર્ષીય બિન્ની એકમાત્ર એવા ઉમેદવાર હતા જેમણે BCCI પ્રમુખ પદ માટે નોમિનેશન ભર્યું હતું.