ياسمين عز تعلق على السخرية من صورها: اللي ماتعرفش ترقص تقول الأرض معووجة

تداول رواد مواقع التواصل الاجتماعي، الساعات الماضية، مجموعة من الصور القديمة للمذيعة ياسمين عز، ووصفها البعض بأنها صور ما قبل عمليات التجميل ومقارنتها بشكلها الحالي.

وردت المذيعة ياسمين عز،، على حملة الانتقادات التي تعرضت لها خلال تقديم حلقة برنامج "كلام الناس" عبر قناة MBC مصر، عن حملات السوشيال ميديا التي تستهدف الأشخاص.

وقالت: "في ناس بقوا سايبين أشغالهم ومشاكلهم وعيالهم وأجوازهم ومكرسين حياتهم كلها لمتابعة مين عمل follow لمين، ومين عمل unfollow لمين".

وأضافت عز: "بيطلع كلام زي دول هيتجوزوا هيتطلقوا، كالعادة بقول لكم سيبوا الناس في حالها، اللي يعمل متابعة براحته، واللي يعمل عدم متابعة براحته، وخليك في حاجتك".

وتابعت: "حاجة غريبة جدا زيها زي التسريبات والصور، اللي يقولك تنشر لأول مرة وشاهد قبل الحذف، وتدخل تشوف التسريبات تلاقيها سكرين شوت من فيديوهات قديمة متاحة وموجودة بقى لها سنين على يوتيوب".

وأكدت ياسمين عز: "مجرد ما تعمل بحث عن الاسم، وبفخامة الاسم بتظهر لك عادي جدا ومتاحة للجميع وببلاش، لا هو سر ولا انفراد ولا تسريبات ولا أي حاجة، ولا هي فيديوهات محجوبة ومتشفرة".

وسخرت "عز" قائلة: "القصة لا تستدعي أساسا كل الزيطة والحفلة، وهنا يحضرني المثل، اللي ماتعرفش ترقص تقول الأرض معووجة، فهمتوا؟".