سائحون يغطسون مع القرش الحوتى بشعاب الفنستون.. ورئيس جمعية الانقاذ يكشف التفاصيل

#صباح_الورد .. يمكن واحدة من أجمل ما قيل في وصف جمال بلدنا، إنه "خليك فاكر مصر جميلة" وفي إطار الصيف بقى والمصايف خلونا نشاور على حاجة جميلة، وحالة أجمل، مر بيها مجموعة من السائحين في مدينة مرسى علم، تحديدا في منطقة شعاب الفنستون، لما صادفوا وجود قرش حوتي، وقدروا يتصوروا معاه، وياخدوا صرو تذكارية لواحد من الكائنات البحرية النادرة والمهددة بالانقراض.
بالمناسبة، القرش الحوتي مسالم والصيادين بيطلقوا عليه اسم بهلول، وبيتردد بشكل دائم على شواطئ البحر الأحمر، اللي بيلاقي في البيئة دي مكان مثالي ومسالم للحيوانات دي، وخصوصا إن المواطنين في المنطقة دي بيقدسوا ويحترموا الحيوانات البحرية جدا.. حوت البهلول ده بيتغذى على الهائمات البحرية، ووزنه حوالي 15 طن، ويعتبر من أكبر الأسماك الموجودة في العالم، وبالمناسبة برضه ظهور الحوت ده في البحر الأحمر دليل على سلامة البيئة البحرية والالتزام بالاتفاقيات الدولية للحفاظ على الكائنات البحرية من خطر الانقراض

اشترك في القناة الرسمية #TeNTV ليصلك كل جديد http://bit.ly/TeNTV
تابعوا قناة Ten TV على مواقع التواصل الاجتماعي:
Twitter: https://goo.gl/w6aF3o
Facebook : https://goo.gl/HwSu9L
Youtube: https://goo.gl/XCWepB
Instagram: https://goo.gl/hN7c7N