फडणवीसांना पाहताच आमदार बापाचा हुंदका; मुलाच्या निधनाने कुटुंबावर दुःखाचा डोंगर

आज विरोधी पक्षनेते देवेंद्र फडणवीस यांनी आमदार विजय राहांगडाले यांच्या गोंदियातील खमारी गावातील घरी सांत्वनपर भेट दिली. वर्धा जिल्ह्याच्या सेलसुरा गावात २५ जानेवारीच्या रात्री कार अपघात झाला होता. या अपघातात सावंगी मेडिकल कॉलेजमध्ये वैद्यकीय शिक्षण घेणाऱ्या सात भावी डॉक्टरांचा अपघाती मृत्यू झाला. यामध्ये तिरोडा विधानसभा क्षेत्राचे भाजप आमदार विजय रहांगडाले यांचा मुलगा आविष्कार याचाही समावेश होता. आमदाराचा एकुलता एक पुत्र असल्याने आमदारांवर दुःखाचा डोंगर कोसळला आहे. आज देवेंद्र फडणवीस यांनी रहांगडाले कुटुंबाची भेट घेतली आणि त्यांना धीर दिला.