अखेर वरिष्ठ अधिकाऱ्यांच्या हाती एसटीचं स्टेअरिंग; लालपरी रस्त्यावर

एसटी संप सुरु होऊन तब्बल तीन महिने पूर्ण होत आले आहेत. एसटी बस बंद असल्याने अनेक प्रवाशांना मोठ्या अडचणींचा सामना करावा लागत होता. हिंगोलीत गेल्या तीन महिन्यांपेक्षा जास्त कालावधी पासून सुरु असलेला एसटीचा संप मोडीत काढला आहे. पोलीस बंदोबस्तात एसटी बस वरिष्ठ अधिकाऱ्यांनी आठ बसेस रवाना केल्या आहेत. आठ बसेस लागोपाठ अचानक आगराबाहेर पडल्याने एसटी कर्मचारी देखील संतापले. रुजू झालेल्या वाहकांच्या निषेधार्थ कर्मचाऱ्यांनी जोरदार घोषणाबाजी केल्याचे दिसून आले. दरम्यान वाहक चालक उपलब्ध नसल्याने हिंगोली परभणी आगार विभागाचे नियंत्रक मुक्तेश्वर जोशी यांनी आज हिंगोली आगारात येऊन एसटी बसेस सुरु केल्या आहेत. प्रवास करणाऱ्या प्रवाशांमध्ये सुद्धा उत्साहाचं आणि आनंदाचं वातावरण बघायला मिळाले.