കൊവിഡ് മഹാമാരിക്കാലത്തെ അടച്ചിടലിന് പിന്നാലെ ആളുകൾ കൂടുതൽ കൂടുതൽ സമയം ഇന്റർനെറ്റിൽ ചെലവഴിക്കാൻ തുടങ്ങി. ഇന്റർനെറ്റ് ട്രാഫിക്കും ഈ കൊമേഴ്സിങും ഡിജിറ്റൽ വിദ്യാഭ്യാസവും എല്ലാം ഇക്കാലത്ത് വലിയ വളർച്ചയും കൈവരിച്ചു. ഒപ്പം ഓൺലൈൻ തട്ടിപ്പുകളും ഹാക്കിങ് സംഭവങ്ങളും വൻ തോതിൽ വർധിച്ചിരിക്കുന്നു. സൈബർ കുറ്റകൃത്യങ്ങൾ വർധിച്ച് വരുന്ന സാഹചര്യത്തിൽ ഉപയോക്താക്കൾ തങ്ങളുടെ ഡിവൈസുകളുടെയും അക്കൌണ്ടുകളുടെയും സുരക്ഷ ഉറപ്പാക്കാൻ വളരെയധികം ശ്രദ്ധിക്കേണ്ടതുണ്ട്.