वृद्धाश्रमात ज्येष्ठांनी शाडूच्या मातीतून साकारला बाप्पा | Nashik

गणेशोत्सव साजरा करताना पर्यावरणाचा विचार करण्याची गरज ध्यानात घेऊन पाथर्डी फाटा येथील निसर्ग वृद्धाश्रमातील ज्येष्ठांनी शाडूच्या मातीचे गणराय साकारून इतरांनाही निसर्गभान राखण्याचा संदेश दिला आहे.

पाथर्डी फाटा येथील निसर्ग केअर सेंटर आणि मानव उत्थान मंच यांच्या संयुक्‍त विद्यमाने येथे शाडू मातीचे गणपती बनविण्याची कार्यशाळा नुकतीच आयोजित करण्यात आली होती. यावेळी लीना पंजाबी यांनी शाडू मातीच्या गणपती कसे साकारावेत याचे सप्रात्यक्षिक मार्गदर्शन करून प्रशिक्षण दिले. निसर्ग केअर सेंटरमध्ये विविध आजारांनी ग्रस्त झालेल्या वृद्ध रुग्ण रहिवास असून, या वृद्धांना आनंद मिळण्याच्या उद्देशाने या कार्यशाळेचे आयोजन करण्यात आले होते. या कार्यशाळेत सुमारे पंचवीस जणांनी सहभाग नोंदविला. शाडूची माती आणून त्यावर पूर्णपणे प्रक्रिया करून त्याचे आकर्षक असे गणपती त्यांनी साकार केले. वृद्धांनी बनविलेले हे गणपती परिसरातील काही लहान मुलांना वाटप करण्यात आले, तर काही गणपती हे या ठिकाणी मदतीसाठी असलेल्यांना देण्यात आले. शाडू मातीच्या गणपतींची स्थापना करून हे गणपती घरीच विसर्जित केले, तर पर्यावरणाचा ऱ्हास टळेल असा संदेश त्यांनी याद्वारे दिला. कार्यशाळा यशस्वी करण्यासाठी मानव उत्थान संस्थेचे जसबीरसिंग, निसर्ग केअरचे संचालक अमोल गायकवाड, सविता गायकवाड, धनश्री कुलकर्णी, अनिल सिंग, तमन्ना राणा, कुलदीप कौर, वरद ढाके, दीपांशू राणा, विश्वनाथ ढाके आदी प्रयत्नशील होते.
आमचा video आवडल्याबद्दल धन्यवाद. Like, Share and Subscribe करायला विसरू नका!

#LokmatNews
Subscribe to Our Channel
https://www.youtube.com/user/LokmatNews?sub_confirmation=1


Click Here For Latest News & Updates►http://www.lokmat.com

To Stay Updated Download the Lokmat App►
Android Google Play: http://bit.ly/LokmatApp

Like Us On Facebook ► https://www.facebook.com/lokmat
Follow Us on Twitter ►https://twitter.com/MiLOKMAT
Instagram ►https://www.instagram.com/milokmat apr-oct19