Khwabon Ke Byopari | Ahmad Faraz | Poetry Junction

ham ḳhvāboñ ke byopārī the

par is meñ huā nuqsān baḌā

kuchh baḳht meñ Dheroñ kālak thī

kuchh ab ke ġhazab kā kaal paḌā

ham raakh liye haiñ jholī meñ

aur sar pe hai sāhūkār khaḌā

yaañ buuñd nahīñ hai Deve meñ

vo bāj-byāj kī baat kare

ham bāñjh zamīn ko takte haiñ

vo Dhor anaaj kī baat kare

ham kuchh din kī mohlat māñgeñ

vo aaj hī aaj kī baat kare

jab dhartī sahrā sahrā thī

ham dariyā dariyā ro.e the

jab haath kī rekhā.eñ chup thiiñ

aur sur sañgīt meñ so.e the

tab ham ne jīvan-khetī meñ

kuchh ḳhvāb anokhe bo.e the

kuchh ḳhvāb sajal muskānoñ ke

kuchh bol kabat dīvānoñ ke

kuchh lafz jinheñ ma.anī na mile

kuchh giit shikasta-jānoñ ke

kuchh niir vafā kī sham.oñ ke

kuchh par pāgal parvānoñ ke

par apnī ghāyal āñkhoñ se

ḳhush ho ke lahū chhiḌkāyā thā

maaTī meñ maas kī khaad bharī

aur nas nas ko zaḳhāmāyā thā

aur bhuul ga.e pichhlī rut meñ

kyā khoyā thā kyā paayā thā

har baar gagan ne vahm diyā

ab ke barkhā jab aa.egī

har biij se koñpal phūTegī

aur har koñpal phal lā.egī

sar par chhāyā chhatrī hogī

aur dhuup ghaTā ban jā.egī

jab fasl kaTī to kyā dekhā

kuchh dard ke TuuTe gajre the

kuchh zaḳhmī ḳhvāb the kāñToñ par

kuchh ḳhākistar se kajre the

aur duur ufuq ke sāgar meñ

kuchh Dolte Dūbte bajre the

ab paañv khaḌā.ūñ dhūl-bharī

aur jism pe jog kā cholā hai

sab sañgī sāthī bhed-bhare

koī maasa hai koī tolā hai

is taak meñ ye is ghaat meñ vo

har or Thagoñ kā Tolā hai

ab ghaaT na ghar dahlīz na dar

ab paas rahā hai kyā baabā

bas tan kī gaThrī baaqī hai

jā ye bhī tū le jā baabā

ham bastī chhoḌe jaate haiñ

tū apnā qarz chukā baabā

ہم خوابوں کے بیوپاری تھے

پر اس میں ہوا نقصان بڑا

کچھ بخت میں ڈھیروں کالک تھی

کچھ اب کے غضب کا کال پڑا

ہم راکھ لیے ہیں جھولی میں

اور سر پہ ہے ساہوکار کھڑا

یاں بوند نہیں ہے ڈیوے میں

وہ باج بیاج کی بات کرے

ہم بانجھ زمین کو تکتے ہیں

وہ ڈھور اناج کی بات کرے

ہم کچھ دن کی مہلت مانگیں

وہ آج ہی آج کی بات کرے

جب دھرتی صحرا صحرا تھی

ہم دریا دریا روئے تھے

جب ہاتھ کی ریکھائیں چپ تھیں

اور سر سنگیت میں سوئے تھے

تب ہم نے جیون کھیتی میں

کچھ خواب انوکھے بوئے تھے

کچھ خواب سجل مسکانوں کے

کچھ بول کبت دیوانوں کے

کچھ لفظ جنہیں معنی نہ ملے

کچھ گیت شکستہ جانوں کے

کچھ نیر وفا کی شمعوں کے

کچھ پر پاگل پروانوں کے

پر اپنی گھائل آنکھوں سے

خوش ہو کے لہو چھڑکایا تھا

ماٹی میں ماس کی کھاد بھری

اور نس نس کو زخمایا تھا

اور بھول گئے پچھلی رت میں

کیا کھویا تھا کیا پایا تھا

ہر بار گگن نے وہم دیا

اب کے برکھا جب آئے گی

ہر بیج سے کونپل پھوٹے گی

اور ہر کونپل پھل لائے گی

سر پر چھایا چھتری ہوگی

اور دھوپ گھٹا بن جائے گی

جب فصل کٹی تو کیا دیکھا

کچھ درد کے ٹوٹے گجرے تھے

کچھ زخمی خواب تھے کانٹوں پر

کچھ خاکستر سے کجرے تھے

اور دور افق کے ساگر میں

کچھ ڈولتے ڈوبتے بجرے تھے

اب پاؤں کھڑاؤں دھول بھری

اور جسم پہ جوگ کا چولا ہے

سب سنگی ساتھی بھید بھرے

کوئی ماسہ ہے کوئی تولا ہے

اس تاک میں یہ اس گھات میں وہ

ہر اور ٹھگوں کا ٹولا ہے

اب گھاٹ نہ گھر دہلیز نہ در

اب پاس رہا ہے کیا بابا

بس تن کی گٹھر