#tvora #rtvoranews Ambasadorja amerikane Yuri Kim zhvilloi sot një takim me kryeparlamentarin Gramoz Ruçi në kryesinë e Kuvendit.
Takimi vjen pas shqetësimit në rritje të diplomates amerikane për reformën në drejtësi.
Diplomatja amerikane gjykon se reforma në drejtësi ende nuk i ka përmbushur kërkesat e popullit shqiptar për një sistem drejtësie të pavarur dhe të drejtë.
Në një editorial, ku fliste edhe për opinionin e Venecias, Ambasadorja amerikane theksoi se kjo është një mundësi që palët të bashkohen për të çuar përpara reformën në drejtësi.
Kim thotë se as Presidenca dhe as Parlamenti nuk është një gjykatë me autoritetin për të vendosur se si duhet ecur përpara kur në legjislacion ka një boshllëk.
Diplomatja amerikane, ua hedh përgjegjësinë udhëheqësve të Shqipërisë që të ndjekin këshillën e qartë të Komisionit të Venecias dhe të bëjnë funksionale gjykatën Kushtetuese.
Sipas saj, udhëheqësit duhet të përgjigjen për detyrimin e tyre për të siguruar që Gjykata Kushtetuese të jetë funksionale, për t?i dhënë qytetarëve Reformën në Drejtësi që iu detyrohen, dhe për të siguruar të ardhmen e tyre.