Vijon mbledhja e Këshillit Politik në Pallatin e Kongreseve.
Palët kanë rënë dakord për propozimin e tretë të përzgjedhjes së anëtarëve të KQZ-së në të treja nivelet por me disa ndryshime. Palët kanë rënë dakord dhe për dispozitën kalimtare që do të fusë PD e LSI-në në sistem duke i dhënë një vend në komisionin e posacëm ku do të zgjidhen dhe anëtarët e rinj të KQZ-së por do i hiqet e drejta e vetos. PS nuk pranoi këtë kërkesë.
Nderkohe Rudina Hajdari vijon të jetë e pranishme në këshillin politik, pasi zëvendësimi i saj me deputetin Myslim Murrizi në seancë parlamentare ende nuk është bërë.
Këshilli politik po diskuton për votën e shqiptarëve jashtë vendit. Palët kanë rënë dakord që të gjithë aktet normative të mendojë KQZ-ja e re.