Gropat në rrugët e Tiranës janë shoqërueset e përditshme të drejtuesve të automjeteve dhe kalimtarëve. Por në ditë shiu ato bëhet edhe më shqetësuese, pasi prania e ujit i kthen ato në një rrezik të vërtetë.
Rruga ?Jordan Misja? është një prej rrugëve më të amortizuara në kryeqytet dhe e cila në ditë me shi bëhet pothuajse të pakalueshme.
Qytetarët akuzojnë kryetarin e bashkisë Tiranë, Erion Veliaj, i cili sipas tyre kujtohet për ta vetëm në kohë fushate dhe i mashtron.
"Nuk vjen asnjë të vërë dorë, kur vinë zgjedhjet bëjnë lajka. E kanë mendjen vetëm me vjedh për vete."
Sipas banorëve kjo rrugë është asfaltuar para dy vitesh por cilësia e dobët e punimeve dhe vjedhja e fondeve ka bërë që ajo të degradohet sërish në një gjëndje mjaft të keqe.
"Mos të merren me qendrën por me këto rrugë që janë kastrofë."
Banorët kërkojnë marrjen e masave sa më parë pasi kalimi në këtë segment është tepër i vështirë për to.
"Mirë është ta sistemojnë."
?Jordan Misja? është një nga lagjet e Tiranës që është lënë në harresë dhe ku prej vitesh mungon dora e Bashkisë.