60 pallate të pabanueshëm në Laç nga tërmeti, 7 u shembën, vijon pastrimi i zonës nga inertet

Në qytetin e Laçit po punohet përgjatë 24 orëve për largimin e inerteve pas shembjes së 7 pallateve të cilët u dëmtuan nga tërmeti i 26 nëntorit. Një numër i konsiderueshëm mjetesh të bashkisë së Kurbinit dhe firmave private janë angazhuar për pastrimin e zonës cila është kthyer në një gërmadhë.

Inertet po dërgohen në zonën e Porto Romanos në Durrës, ndërsa synohet që ky proces të përfundojë brenda javës që vjen. Në qytetin e Laçit janë shpallur të pabanueshëm 60 pallate të cilët kanë pësuar dëmtime serioze nga tërmeti i 26 nëntorit. Deri më tani vetëm 7 prej tyre janë shembur, ndërsa për të tjerët ende nuk ka një vendim përfundimtar.