FIlipçe: S’mund ta ndajmë administratën e shëndetësisë

Administrata e sektorit të shëndetësisë nuk ka pësuar rritje të pagës sepse e njejta nuk mund të ndahet nga e gjithë administrata publike. Kështu ka deklaruar ministri i Shëndetësisë, pas reagimit nga Sindikata e personelit teknik-administrativ në sektorin e Shëndetësisë e cila përmes një kumtese ka paralajmëruar se do të protestojë me datë 28 nëntor nëse edhe ata nuk përfshihen në rritjen e pagave. Filipçe ka shtuar se do të kërkojë nga ministria e Shoqërisë Informatike dhe Administratës që të ketë përjeshtim të rritjes së pagës për administratën e Shëndetësisë.