?Arrest në burg? ka vendosur Gjykata e Durrësit për Elvis Gacaj, që u arrestua pak ditë më parë me armë zjarri pa leje.
Ndërsa për personin tjetër Konstandin Driza që ndodhej së bashku me të në momentin e arrestimit, trupi gjykues vendosi si masë shtrënguese detyrim paraqite. Gacaj do të jetë personi i parë që pritet të marrë dënimin me ndryshimin e ligjit për armëmbajtje pa leje.
Në sallen e gjygjit ai është shprehur se armën e mbante për vetëmbrojtje, ndërkohë Konstandini ka theksuar se nuk kishte dijeni për armën. Operacioni për arrestimin e tyre u zhvillua në rrugën 'Taulantia' në momentin kur dy të kërkuarit po udhëtonin me automjetin tip BMW.
Gjatë kontrollit të makinës policia u ka gjetur një armë zjarri pistoletë çeke me dy krehra me 26 fishekë kalibër 9 mm. Gaçaj, i cili është person i njohur dhe për drejtësinë shqiptare, sipas policisë kishte thyer masën e sigurisë ?Arrest Shtëpie?, ndërsa Kostandin Driza është proceduar më parë në fushën e veprave penale kundër personit dhe armëmbajtje pa leje.
Elvis Gaçaj në prill të këtij viti u arrestua së bashku me Leonard Dukën në Tiranë i dyshuar për një seri veprash penale ndërsa më herët u ka shpëtuar disa atentateve të organizuara ndaj tij. Për më shumë lexoni në: https://www.oranews.tv/article/lihet-ne-burg-elvis-gacaj