Politikani Paskal Milo i ftuar në "360 Gradë" në Ora News, u shpreh se nuk është bindëse ideja e opozitës për të lënë mandatet për shkak të dosjes 339 në Durrës.
Pjesë nga debati:
Milo: Partia Demokratike si arsye ka nxjerrë një argument dosjen 339, i cili ka tregues të vjedhjes së votës, por në momentin që ky nuk është fenomen kombëtar dhe nuk është i provuar. Pra, argumenti për të lënë mandatet nuk është bindëse. Opozita duhet të ketë argumente në platformën e saj se me çfarë do t'i bindë shqiptarët që të votojnë për të. Duhet të hartonte një alternativë të vetën bindëse për problematikën që vuan Shqipëria sot. Çfarë alternative do të kishte për korrupsionin, për krimin e organizuar dhe një numër fenomenesh që ka Shqipëria.