في مساء ليلة من سبعينات القرن الماضي، كان اختبارها الأول في استخراج روح جديدة إلى قلب الحياة، لحظات أو بضع دقائق كانت هي الفيصل في حياتها وسيرتها بين الناس، من أم الأطفال وربة المنزل إلى نظيرة الداية، يعرف اسمها القريب والبعيد ومن هم في حواري منطقتها.
كانت هي اليد التي تمتد لإعطاء الحياة إلى أجيال متعاقبة، فرائحة الدم والبكاء الأول للأطفال أمور شكلت 30 عامًا من حياة الحاجة نظيرة التي لم تتلقى دروسًا أو ترى بأم عينها إمراة تولد " عمري ما شوفت الداية أو الدكتور وهو بيولد، بس اتحطيت في موقف مع صحبتي أما لقيتها بتولد في الشارع ومفيش غيري معاها، وساعتها كان الإختبار يا اكون أو لا أكون وكنت قدها وعملت بطرطيش الكلام اللي كنت بسمعه"، هكذا لعبت الصدفة دورها معاها.
انطلقت من حينها تفرغ بطون الحوامل أقارب كانوا أو بناتها أو زوجات أبنائها، أو حتى هي نفسها من الأجنة بمهارة يتعجب لها الأطباء" كان في دكتور يعرفني كل ما يشوف حالة أنا اللي ولدتها يقولي الله ينور عليكي يا أم صبحي، ويقولي أدفع عمري كله وأعرف بيجيلك قلب إزاي تولدي بناتك، مكانش يعرف إن ولدت نفسي كمان"، لتضحك ضحكة فخورة بما فعلته.
"عمري ما اخدت فلوس من حد أنا بعملها كده لله، انا مبعملش حاجة تستحق الفلوس كل اللي بعمله إن باخد شنطتي اللي فيها الشاش والقطن والمقص والجفت والخيط، لما حد يجي يطلبني عشان أولد مراته أو بنته"، لتستكمل نظيرة سردها لمهنتها التي ندر وجودها هذه الأيام "كانوا بيجوا ياخدوني الفجر وعمري ما رديت حد، كنت بروح معاهم، وأولد الست".
كأي مهنة بها مخاطر ولكن المهارة تكمن في تخطيها، فتقول أم صبحي" انا ولدت فوق 300 طفل، محدش فيهم جالوه صفرا، ومريت بحاجات كتير ومشاكل وأنا بولد بس الحمدلله كنت بعدي منها، زي إن أولد حالات مستعصية، وبكرية وستات كبيرة في السن رغم، تحذيرات الأطباء في الدورة اللي روحت اخدتها في الصحة".
كانت لها قواعدها والأمور التي رفضتها " لا عمري ضربت عيل على ضهره ولا حطيت كحل ولا هببت وش الأطفال بالكحل ولا الكلام ده ، ده كله عك وخرافات، مفيش زي الافلام المياه داخله وخارجة خالص، هما شويية مياه صغيرين، ومكنتش بحط الطفل في مياه عشان ميجيبلوش نزلة شعبية، عشان بطن الأم بتكون سخنة بتغلي".
لم يحرمها من العمل كداية سوى كبر السن وما يصاحبه من أمراض جعلتها طريحة الفراش، تعيش الباقي من عمرها وسط أحفادها وأبنائها" بيجي كتير يطلبوني عشان أروح ، وبيعرضوا عليا طيب هنجيبك بعربية بس أنا بقولهم سامحوني مقدرش".
Follow us on:
▶http://www.itfarrag.com/
▶https://www.facebook.com/itfarragofficial
▶https://twitter.com/itfarrag
▶https://plus.google.com/+Itfarrag
كانت هي اليد التي تمتد لإعطاء الحياة إلى أجيال متعاقبة، فرائحة الدم والبكاء الأول للأطفال أمور شكلت 30 عامًا من حياة الحاجة نظيرة التي لم تتلقى دروسًا أو ترى بأم عينها إمراة تولد " عمري ما شوفت الداية أو الدكتور وهو بيولد، بس اتحطيت في موقف مع صحبتي أما لقيتها بتولد في الشارع ومفيش غيري معاها، وساعتها كان الإختبار يا اكون أو لا أكون وكنت قدها وعملت بطرطيش الكلام اللي كنت بسمعه"، هكذا لعبت الصدفة دورها معاها.
انطلقت من حينها تفرغ بطون الحوامل أقارب كانوا أو بناتها أو زوجات أبنائها، أو حتى هي نفسها من الأجنة بمهارة يتعجب لها الأطباء" كان في دكتور يعرفني كل ما يشوف حالة أنا اللي ولدتها يقولي الله ينور عليكي يا أم صبحي، ويقولي أدفع عمري كله وأعرف بيجيلك قلب إزاي تولدي بناتك، مكانش يعرف إن ولدت نفسي كمان"، لتضحك ضحكة فخورة بما فعلته.
"عمري ما اخدت فلوس من حد أنا بعملها كده لله، انا مبعملش حاجة تستحق الفلوس كل اللي بعمله إن باخد شنطتي اللي فيها الشاش والقطن والمقص والجفت والخيط، لما حد يجي يطلبني عشان أولد مراته أو بنته"، لتستكمل نظيرة سردها لمهنتها التي ندر وجودها هذه الأيام "كانوا بيجوا ياخدوني الفجر وعمري ما رديت حد، كنت بروح معاهم، وأولد الست".
كأي مهنة بها مخاطر ولكن المهارة تكمن في تخطيها، فتقول أم صبحي" انا ولدت فوق 300 طفل، محدش فيهم جالوه صفرا، ومريت بحاجات كتير ومشاكل وأنا بولد بس الحمدلله كنت بعدي منها، زي إن أولد حالات مستعصية، وبكرية وستات كبيرة في السن رغم، تحذيرات الأطباء في الدورة اللي روحت اخدتها في الصحة".
كانت لها قواعدها والأمور التي رفضتها " لا عمري ضربت عيل على ضهره ولا حطيت كحل ولا هببت وش الأطفال بالكحل ولا الكلام ده ، ده كله عك وخرافات، مفيش زي الافلام المياه داخله وخارجة خالص، هما شويية مياه صغيرين، ومكنتش بحط الطفل في مياه عشان ميجيبلوش نزلة شعبية، عشان بطن الأم بتكون سخنة بتغلي".
لم يحرمها من العمل كداية سوى كبر السن وما يصاحبه من أمراض جعلتها طريحة الفراش، تعيش الباقي من عمرها وسط أحفادها وأبنائها" بيجي كتير يطلبوني عشان أروح ، وبيعرضوا عليا طيب هنجيبك بعربية بس أنا بقولهم سامحوني مقدرش".
Follow us on:
▶http://www.itfarrag.com/
▶https://www.facebook.com/itfarragofficial
▶https://twitter.com/itfarrag
▶https://plus.google.com/+Itfarrag
Category
🗞
News