Highway To Pamparigosta (Banda-anoncia oficiala)

A "Pamparigosta", lo dicò de Mistral nos balha : "Le Pays des mangeurs d'épée". Pròva que de còps son cervèl fasiá de freelance. Pas cap de rapòrt amb lo film, en tot cas.

Tornam començar...

Coneissetz plan segur lo "Road-Movie" ?
Vaquí lo "Sendarèl-Movie", mai petit, mai estrech, mens de mejans, mas plan mai risolièr e agradiu !
Highway To Pamparigosta nos ven de l'Oest, luènh plan luènh d'en cò nòstre, del pais que fa la termièra entre l'Occitània, granda, bèla e centrala, e l'America pregonda, la de las grandas rotas secas, del hard-blues e d'indigenas a las costumas estranhas.
Aquel pais es lo Sud-Gironda. E quand començam de s'i perdre, nos disem que sèm pas tant luènhs qu'aquò de nos tornar trobar a Pamparigosta.
Perque lo Cruising, saps pas jamai ont te menará.
Will you follow our journey to Pamparigosta ?