Sonali Bendre Reveals A Shocking News

బాలీవుడ్, టాలీవుడ్‌లో గ్లామర్ తారగా మెప్పించిన అందాల తార సోనాలి బింద్రే అభిమానులకు షాకింగ్ న్యూస్. ఇటీవల సొనాలి బింద్రేకు తీవ్రస్థాయిలో క్యాన్సర్ వ్యాధి సోకిందని వైద్యులు నిర్దారించారు. దాంతో ప్రస్తుతం అమెరికాలో చికిత్స పొందుతున్నారు. తనకు క్యాన్సర్ వ్యాధి సోకినట్టు స్వయంగా సొనాలి బింద్రే తన ఇన్స్‌టాగ్రామ్ అకౌంట్‌లో ఓ లేఖను పోస్ట్ చేసి వెల్లడించారు. వివరాల్లోకి వెళితే..
జీవితంలో కొన్నిసార్లు మనం ఒకటి తలిస్తే దైవం మరోకటి తలుస్తుంది. అంతా సవ్యంగా సాగుతున్నదని అనుకొంటుండగానే భయంకరమైన విషయం బయటపడింది. నాకు హై గ్రేడ్ క్యాన్సర్ సోకిందని వైద్యులు నిర్ధారించారు అని సొనాలి బింద్రే తన లేఖలో పేర్కొన్నారు.
నాకు తీవ్రమైన క్యాన్సర్ సోకిందని తెలియగానే నా స్నేహితులు, సన్నిహితులు, కుటుంబ సభ్యులు నాకు అండగా నిలిచారు. నా గురించి ఎంతో శ్రద్ద తీసుకొంటున్నారు. నా పట్ల ప్రేమను కురిపిస్తున్న ప్రతీ ఒక్కరికి నా థ్యాంక్స్.
నన్ను తుదముట్టించేందుకు ప్రయత్నిస్తున్న క్యాన్సర్‌ను తరిమికొట్టే విషయంపై దృష్టిపెట్టాను. వైద్యుల సూచన మేరకు నేను న్యూయార్క్‌లోని హాస్పిటల్‌లో చికిత్స పొందుతున్నాను అని సొనాలి వెల్లడించారు