Report TV - Situata nga përmbytjet në Darëzezë të Fierit

Pas uljes së nivelit të ujit dhe përmirësimit të motit, në fshatin Darëzezë të Fierit ka filluar edhe verifikimi dëmeve që lanë pas përmbytjet e kësaj fundjave.

Sipas Shtabit të Emergjencave Civile të Prefekturës së Fierit vetëm në Darëzezë janë përmbytur 8 banesa dhe 2 mijë ha tokë bujqësore, ndërsa duke përfshirë edhe njësinë administrative të Levanit dhe Frakullës, përmbytja ka përfshirë 5 mijë ha tokë bujqësore.

Gjithashtu edhe në fshatin Hoxharë kanë mbërritur grupet e verifikimit, ku ankesat e banorëve, më së shumti kanë qenë për bazën ushqimore për blegtorinë.

Gjatë kësaj fundjave për shkak të shirave të shumtë, lumi Vjosa doli nga shtrati dhe përmbyti disa fshatra në zonën e Fierit dhe të Vlorës, ku llogariten dëme të shumta materiale.