రిలీజ్‌కు ముందే రికార్డులు సృష్టిస్తున్న మహేష్..!

The latest developments indicate a complete contrast picture. Mahesh Babu's latest film 'Bharath Ane Nenu' reportedly getting record level offers for satellite and digital rights.

వరుసగా రెండు డిజాస్టర్లు వచ్చినా.. సూపర్ స్టార్ మహేష్ బాబు స్టామినా ఏమాత్రం తగ్గలేదు. సరికదా.. తన గత సినిమాల కన్నా 'భరత్ అనే నేను' ప్రీ రిలీజ్ బిజినెస్ లో చాలా ముందుంది. మహేష్-కొరటాల శివ కాంబినేషన్ పై ఉన్న నమ్మకంతో రికార్డు ధరకు శాటిలైట్ రైట్స్, అలాగే ఆన్ లైన్ స్ట్రీమింగ్ రైట్స్ అమ్ముడుపోయాయి. దీంతో నిర్మాతలకు ఇప్పటికే 75% ఇన్వెస్ట్ మెంట్ రికవరీ అవడం విశేషం.. ఇన్‌సైడ్ టాక్ ప్రకారం.. సినిమా బాగా వస్తున్నట్లు ప్రచారం జరుగుతుండటంతో.. ప్రీ-రిలీజ్ బిజినెస్ రికార్డు స్థాయిలో జరిగిందంటున్నారు.
ప్రీరిలీజ్ బిజినెస్‌లో భాగంగా.. నిర్మాతకు ఇప్పటికే 75శాతం వరకు ఇన్వెస్ట్ మెంట్ రికవరీ జరిగినట్లు ప్రచారం జరుగుతోంది. సినిమా ఆడియో రైట్స్ ను ఇటీవలే లహరి మ్యూజిక్ కంపెనీ దక్కించుకుంది. తాజాగా సినిమా శాటిలైట్ హక్కుల కోసం స్టార్ మా చానెల్ ఏకంగా రూ.39కోట్లు వెచ్చించినట్లు సమాచారం.
శాటిలైట్ రైట్స్ పరంగా మహేష్ బాబు కెరీర్ లో 'భరత్ అనే నేను' టాప్ లో నిలుస్తుందని చెప్పాలి. అన్ని భాషల్లో కలిపి ఈ సినిమా శాటిలైట్ రైట్స్ కోసం స్టార్ మా రూ.39కోట్లు చెల్లించింది. నిజానికి ఇదంతా వట్టి ఊహాగానమే అనుకున్నప్పటికీ.. ఇదే నిజమైనట్లు తెలుస్తోంది.
ఇక డిజిటల్ రైట్స్‌ను ఆమెజాన్ ప్రైమ్ దక్కించుకుంది. ఇందుకు గాను భారీ మొత్తంలోనే డీల్ కుదిరినట్లు సమాచారం. ఇప్పటికే 75శాతం రికవరీ కావడంతో.. ఇక సినిమా విడుదలైతే వచ్చే కలెక్షన్ అంతా లాభాల కిందకే వస్తుందంటున్నారు.