అనిరుధ్ అదరగొట్టాడుగా..!

Gaali Vaaluga Song has been getting massive response from the audience. Now the makers have released the Gaalivaaluga Song along with Anirudh Ravichander performed on it.

పవర్ స్టార్ పవన్ కళ్యాణ్ హీరోగా తెరకెక్కుతున్న 'అజ్ఞాతవాసి' సినిమాకు తమిళ యువ సంగీత దర్శకుడు అనిరుధ్ రవిచందర్ సంగీతం అందిస్తున్న సంగతి తెలిసిందే. ఇప్పటికే ఈ చిత్రానికి సంబంధించి రెండు పాటలు విడుదల చేయగా సూపర్ హిట్ అయ్యాయి.
తాజాగా పవన్ కళ్యాణ్ అభిమానులను సర్‌ప్రైజ్ చేస్తూ అనిరుధ్ ఓ ట్రిబ్యూట్ వీడియో విడుదల చేశారు. ఈ వీడియోకు మంచి స్పంద వస్తోంది. పవన్ కళ్యాణ్ ఫ్యాన్స్ సోషల్ మీడియాలో దీన్ని వైరల్ చేశారు.
‘అజ్ఞాతవాసి' సినిమాను హారిక అండ్ హాసిని క్రియేషన్స్ సంస్థ నిర్మిస్తోంది. అయితే ఈ సినిమా నిర్మాతను ఇబ్బంది పెట్టకుండా తన సొంత ఖర్చుతో పవన్ కళ్యాణ్ మీద ట్రిబ్యూట్ రూపొందించి తన అభిమానాన్ని చాటుకున్నాడు అనిరుధ్.
చెన్నైలోని 24ఎఎం స్టూడియోస్ లో ఈ పాటను చిత్రీకరించారు. ఈ వీడియోలో అనిరుధ్ స్వయంగా డాన్స్ పెర్ఫార్మెన్స్ చేశారు. బ్యాగ్రౌండ్లో పవన్ కళ్యాణ్ విజువల్స్ చూపించిన తీరు అభిమానులను ఎంతగానో ఆకట్టుకుంటోంది.