Report TV - Fier, zjarr në fshatin Kreshpan, era pengon ndërhyrjen e zjarrfikësve

Një vatër zjarri është regjistruar ditën e sotme në fshatin Kreshpan të Fierit.

Zjarri ka përfshirë kodrat e këtij fshati, ndërsa nga flakët po digjen ullinj e shkurre.

Sipas shefit operacional te zonës, Zija Hyka, gjendja është alarmante, dhe po punohet në kushte mjaft të vështira.

Sipas tij edhe pse tereni është i vështirë, po bëhen përpjekje maksimale për të shuar zjarrin.

Në vendngjarje kanë shkuar forcat zjarrfikëse, por puna e tyre pengohet nga era, e cila ndihmon edhe në përhapjen e zjarrit.