Janë 41 vullnetarët e rinj të Korpusit të Paqes, që për 2 vjet do të shërbejnë pranë bashkive, organizatave komunitare, shkollave dhe qendrave shëndetësore në mbarë Shqipërinë. Por çfarë është Korpusi i Paqes? I themeluar në vitin 1961 nga presidenti John F. Kennedy, misioni i Korpusit të Paqes është kontributi në zhvillimin e vendeve mikpritëse dhe promovimi i mirëkuptimit ndërkulturor mes amerikanëve dhe popujve të tjerë. Aktualisht, rreth 7.123 amerikanë shërbejnë si vullnetarë të Korpusit të Paqes në 68 vende. Që prej themelimit, mbi 225.000 vullnetarë i janë bashkuar Korpusit të Paqes për të punuar në 141 vende në mbarë botën.