Salam e Akhri Karbala Walun

Khuda hafiz hay Rukhsat ki Ghari Aey.. Karbala Walon Khuda Hafiz. Salaam-e-Akhri aey Karbala Walon Khuda Hafiz.. Na hum se ho saka kuch bhi ada haq mezbani ka Hay ye sharmindagi Aey Karbala Walon Khuda Hafiz. Tumhare saath Zehra bhi yahan tashreef laayi thi Ye izzat bhi mili Aey Karbala Walon Khuda Hafiz. Hamare ghar ki raunaq bhi tumhare saath jaati hay Udaasi cha gayi Aey Karbala Walon Khuda Hafiz. Tumhare gham may rotay rotay mar jaatay to acha tha Ye hasrat reh gayi Aey Karbala Walon Khuda Hafiz. Kisi soorat behelta hi nahi dil kaise behlaye, Karbala Walon Khuda Hafiz. Phir aglay saal hum yuhin Saf-e-Matam bichayenge.. Aey Karbala Walon Khuda Hafiz.