Dy investime në fushën e turizmit po trajtohen për ti dhënë statusin e investimeve strategjike. Drejtori i Agjencisë Shqiptare të Zhvillimit të Investimeve Genti Beqiri deklaron se shuma që do të investohet për këto projekte kap vlerën e 82 milion eurove dhe parashikohet të punësohen rreth 700 të persona. Beqiri: Janë duke u trajtuar për të përfituar statusin e investimit strategjik dy investime në turizëm me investitorë vendas me një vlerë investimi në total rreth 82 milionë euro dhe me rreth 700 të punësuar në periudhën e parë. Jemi duke konsoliduar edhe dy kërkesa të tjera në fushën e turizmit dhe të bujqësisë, por dokumentet dhe materialet akoma nuk janë protokolluar pranë AIDA-s.