Urdu Poetry Valentine's Day ghazal 'husn-e-naaz' حُسنِ ناز
- 9 years ago
Valentine's Day ghazal 'husn-e-naaz'
حُسنِ ناز
لَب تِرے جامِ اَنگبِیں نِکلے
اَنگ پَیکَر کے مَرمرِیں نِکلے
اُف! نَشیب و فَرازِ پَیراہَن
دِل سے بَس حَرفِ آفرِیں نِکلے
ایک پَل کا فُسُوں نِگاہوں کا
پِھر تِرے سِحر سے نَہِیں نِکلے
کِتنے گُلرَنگ تھے سِتَم جاناں
زَخمِ دِل بھی شَفَق جَبِیں نِکلے
تیرے پَہلُو میں جی لئے اِک پَل
اَب یہ حَسرَت کہ دَم وَہِیں نِکلے
دِل فَروزاں تھی ہَر اَدا تیری
تیرے سَب غَم بھی دِلنَشِیں نِکلے
اُں کے خُطبوں میں رَنگِ حَرفِ اَماں
گَھر سے اَوزارِ آتِشِیں نِکلے
سَب ہی سوداگرانِ حِفظِ چَمَن
پاسداروں کے ہَم نَشِیں نِکلے
پِھر قَدَم اُن کے دَںدَناتے ہیں
اَپنے پَیروں تَلے زَمِیں نِکلے
پا گئے عَدل وہ دُکانوں سے
ہَم تھے نادان، وہ ذہیں نِکلے
سَب حقیقت ہے یا فریبِ نظر
کُچھ تو اَب قابِلِ یقیں نِکلے
دَم بَخُود دیکھتا رہا یزداں
جَب اہرمن کے مہ جَبِیں نِکلے
کِس تَمَسخُر سے دیکھتی ہے صبا
اَرضِ خاکی پہ اَہلِ دیں نِکلے
ہَم تو کاغذ پہ شعر لِکھتے تھے
رُک کے دیکھا تو نازنِیں نِکلے
نام اُس حُسنِ ناز کے یہ غَزَل
سَب حَسِینوں میں جو حَسِیں نِکلے
کَہکَشاؤں میں جھانکتے ہیں عقیلؔ
کاش پریوں کی سَر زَمِیں نِکلے
حُسنِ ناز
لَب تِرے جامِ اَنگبِیں نِکلے
اَنگ پَیکَر کے مَرمرِیں نِکلے
اُف! نَشیب و فَرازِ پَیراہَن
دِل سے بَس حَرفِ آفرِیں نِکلے
ایک پَل کا فُسُوں نِگاہوں کا
پِھر تِرے سِحر سے نَہِیں نِکلے
کِتنے گُلرَنگ تھے سِتَم جاناں
زَخمِ دِل بھی شَفَق جَبِیں نِکلے
تیرے پَہلُو میں جی لئے اِک پَل
اَب یہ حَسرَت کہ دَم وَہِیں نِکلے
دِل فَروزاں تھی ہَر اَدا تیری
تیرے سَب غَم بھی دِلنَشِیں نِکلے
اُں کے خُطبوں میں رَنگِ حَرفِ اَماں
گَھر سے اَوزارِ آتِشِیں نِکلے
سَب ہی سوداگرانِ حِفظِ چَمَن
پاسداروں کے ہَم نَشِیں نِکلے
پِھر قَدَم اُن کے دَںدَناتے ہیں
اَپنے پَیروں تَلے زَمِیں نِکلے
پا گئے عَدل وہ دُکانوں سے
ہَم تھے نادان، وہ ذہیں نِکلے
سَب حقیقت ہے یا فریبِ نظر
کُچھ تو اَب قابِلِ یقیں نِکلے
دَم بَخُود دیکھتا رہا یزداں
جَب اہرمن کے مہ جَبِیں نِکلے
کِس تَمَسخُر سے دیکھتی ہے صبا
اَرضِ خاکی پہ اَہلِ دیں نِکلے
ہَم تو کاغذ پہ شعر لِکھتے تھے
رُک کے دیکھا تو نازنِیں نِکلے
نام اُس حُسنِ ناز کے یہ غَزَل
سَب حَسِینوں میں جو حَسِیں نِکلے
کَہکَشاؤں میں جھانکتے ہیں عقیلؔ
کاش پریوں کی سَر زَمِیں نِکلے
Recommended
Valentine's Day Urdu poetry - ghazal - 'ehd-e-nau' - یَومِ چاہَت پر غَزَل ۔ عَہدِ نَو
sikander ansari
Karima Baloch - Urdu poetry - qataa - A tribute to Karima Baloch - قَطعہ ۔ کریمہ بلوچ
sikander ansari