Kya Howa Tera Har Ek Roz Mujhe Khat Likhna Sung By Anup Jalota

Kya Howa Tera Har Ek Roz Mujhe Khat Likhna
Aur Khat Mein Dil-E-Betaab Ki Haalat Likhna

Meri Khaatir Shab-E-Furqat Mein Na Soona Tera
Meri Yaadon Mein Pareshaan Sa Hona Tera

Aur Phir Khat Mein Shab-E-Hijr Ki Baabat Likhna
Kya Howa Tera Har Ek Roz Mujhe Khat Likhna

Woh Sar-E-Shaam Khayalon Mein Mere Kho Jana
Aur Phir Khud Hi Tera Sharmsaar Ho Jana

Woh Akele Mein Mujhe Pyaar Bhara Khat Likhna
Kya Howa Tera Har Ek Roz Mujhe Khat Likhna

Kis Liye Tor Diye Tu Ne Sabhi Ehd-E-Wafa
Kya Howe Waade Mohabbat Ke Bata Kuch To Bata

Kis Liye Chhor Diya Tu Ne Mujhe Khat Likhna
Kya Howa Tera Har Ek Roz Mujhe Khat Likhna