Fi Youm Wi Leilah - Warda في يــوم وليـــلة - حفل لبنان 1991

مطربة الأجيال وردة
أغنية : في يوم وليله | حفل لبنان 1991
كلمات الشاعر الغنائي حسين السيد - ألحان موسيقار الأجيال محمد عبد الوهاب
الفرقة الماسية بقيادة الموسيقار أحمد فؤاد حسن
WARDA - Fi Youm Wi Leilah
Lyrics : Hussein El Sayed - Music : Mohamed Abdel Wahab
---------------
كلمات في يوم وليله

في يوم وليله خدنا حلاوة الحب كله في يوم وليله
انا وحبيبي دوبنا عمر الحب كله في يوم وليله
عمري ما شفته ولا قابلته وياما ياما شاغلني طيفه
وفي يوم لقيته .. لقيته هو.. هو اللي كنت بتمنا اشوفه
نسيت الدنيا وجريت عليه سبقني هوه وفتحلي ايديه
لقينا روحنا على بحر شوق نزلنا نشرب ودبنا فيه
ومين يصدق يجري ده كله ونعيش سوا العمر كله
في يوم وليله ..

ياللي كان طيفك على بالي وانا بتمناه
مش حتصدق ايه كان حالي قبل ما القاه
كنت بحسد كل فرحه اشوفها بين قلبين
كنت اغير من اي نسمة حلوه بين حبيبين
ولما صحيت على حبك وشفت الدنيا من عندك
اتمنى لو كل العشاق بيحبوا زي انا ما بحبك
يا حبيبي كنت واحشني من غير ماشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا
واحنا فيها لوحدينا .. آه آه
ومين يصدق يجري ده كله ونعيش سوا العمر كله
في يوم وليله

حبيب امالي ياغالي عمري كله ليك
وكل عمري يا عمري مش خساره فيك
بقول بحبك وحبك كان ميعاده بعيد
وفي يوم وليله .. ليله جميله هلت المواعيد
قابلت شوقك بشوقي .. بعد طول حرمان
وفي يوم وليله جميله ضحكتلي يازمان
لو قالولي اليوم وليله دول حياتي يا حياتي
اقول كفايه دي الحياة بالحب حتى لو ثواني
عمر ثاني مالوش نهايه
يا اللي حبيتوا قبلنا .. ياللي حتحبوا بعدنا
يارب يتمم فرحكم .. وتحبوا بعض زينا
يا حبيبي كنت واحشني من غيرماشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا
واحنا فيها لوحدينا .. آه .. آه
ومين يصدق يجري ده كله ونعيش سوا العمر كله
في يوم وليله